ზოგადი ინფორმაცია CAE-ის ტესტის  შესახებ:

CAE არის კემბრიჯის მაღალი სტანდარტის ტესტი აკადემიურ ინგლისურში, რომელსაც 3000-ზე მეტი უნივერსიტეტი, დამქირავებელი და სახელმწიფო სტრუქტურა აღიარებს როგორც აკადემიური ინგლისურის ცოდნის საუკეთესო დამადასტურებელს. გარდა ამისა, CAE-ს სერთიფიკატი ერთ-ერთი მთავარი ფაქტორია ავსტრალიისა და დიდი ბრიტანეთის ვიზის მისაღებად.

ზოგადად, CAE-ს ორი ვარიანტი არსებობს: კომპიუტერული და ქაღალდის, თუმცა საქართველოში მხოლოდ ქაღალდის ვარიანტი ბარდება. 

ტესტი 5 ნაწილისგან შედგება: წაკითხულის გააზრება, წერა, ინგლისურის გამოყენება, მოსმენა და მეტყველება. 

წაკითხულის გააზრებას 1 საათი და 15 წუთი ეთმობა და 4 სექციისა და 34 შეკითხვისაგან შედგება. ამ ნაწილში მიღებული ქულები საბოლოო შეფასების 20%-ია. 

წერის ნაწილი 1 საათი და 30 წუთი გრძელდება და ორ სექციას მოიცავს. ამ ნაწილში მიღებული ქულები საბოლოო შედეგის 20%-ს წამროადგენს. 

ინგლისურის გამოყენების ნაწილს 1 საათი სჭირდება და 5 სექციისა და 50 შეკითხვისგან შედგება. ამ ნაწილში მიღებული ქულები საბოლოო შეფასების 20%-ია. 

მოსმენის ნაწილისთვის 40 წუთია გამოყოფილი და 4 სექციასა და 30 შეკითხვას მოიცავს. ამ ნაწილში მიღებული ქულები საბოლოო შედეგის 20%-ს შეადგენს.

მეტყველების ნაწილს 15 წუთი ეთმობა. იგი 4 სექციად არის დაყოფილი. თითოულ სექციაში ტესტის ჩამბარებელს საუბარი უწევს როგორც გამომცდელთან, ასევე სხვა კანდიდატთანანაც. ამ ნაწილში მიღებული ქულები საბოლოო შედეგის 20%-ს შეადგენს.

მთლიანად CAE-ს ჩასაბარებლად 4 საათი და 40 წუთია საჭირო. 

ქულები და ჩაბარების წესები:

საქართველოში CAE-ს “ბრიტანეთის საბჭო” იბარებს და წელიწადში მხოლოდ ერთხელ, ივნისის შუა რიცხვებში, არის ტარდება. ტესტზე დარეგისტრირების ბოლო ვადა აპრილის შუა რიცხვებია. 

CAE-ის საფასური 259 ლარია,  ხოლო დაგვიანებული რეგისტრაციის შემთხვევაში დამატებით 58 ლარის გადახდა მოგიწევთ. 

ტესტის ონლაინ-შედეგები ივლისის ბოლოს ხდება ცნობილი, სერთიფიკატი კი აგვისტოს დასაწყისში გაიცემა. 

CAE-ში მაქსიმალური ქულა 100-ია, ხოლო მიღებული ქულები შემდეგ ხარისხებს შეესაბამება:

ხარისხი:                          ქულა:                         ხარსიხი ევროპული სტანდარტის მიხედვით:

A                                       80-100                           C2

B                                       75-79                             C1

C                                       60-74                             C1

B2 CEFR level                       45-59                             B2

ჩვენთან მომზადება: 

სწავლების პერიოდში თანაბრად ექცევა ყურადღება CAE-ის ხუთივე ნაწილის (Reading, Writing, Use Of English, Listening and Speaking) ჩვევების განვითარებას. კურსის პარალელურად გათვალისწინებულია პრაქტიკა კომპიუტერზე, რომელიც არის ჩვენი საჩუქარი და დამატებითი თანხის გადახდა არ მოგეთხოვებათ.

კურსის მსვლელობისას ხდება რეალური ტესტებისა და სავარჯიშოების თანმიმდევრული გამოყენება. ჩვენს მიერ შემუშავებული სწავლების სისტემა იძლევა იმის საშუალებას, რომ დროის მოკლე მონაკვეთში მაქსიმალური შედეგი მიიღწეს.

ჩვენი სისტემა გულისხმობს მასწავლებლისა და ადმინისტრაციული პერსონალის ერთობლივ მუშაობას იმისთვის, რომ სტუდენტის წარმატება გარანტირებული იყოს.

კურსის დაწყებამდე მსურველებმა უნდა გაიარონ ე.წ. დიაგნოსტიკური ტესტი, რომელიც საზღვრავს თქვენი ცოდნის დონეს და საშუალებას გვაძლევს შევარჩიოთ ოპტიმალური სასწავლო პროგრამა. 

ჩვენ გთავაზობთ როგორც ინდივიდუალურ, ასევე ჯგუფურ მეცადინეობებს და თქვენთვის მაქსიმალურად მოქნილ გრაფიკს. 

გარდა ამისა, თქვენ შეგიძლიათ გაიაროთ CAE-ის კურსისთვის წინამოსამზადებელი პროგრამები ინგლისურ ენაში შესაბამისი ცოდნისა და ჩვევების გამოსამუშავებლად.

კურსის საფასურში შედის სტუდენტების სასწავლო მასალებით უზრუნველყოფა. 

კურსზე ჩაწერა და ინგლისური ენის ტესტის ონლაინ რეჟიმში შევსება ამ ბმულზე შეგიძლიათ: http://www.ptg-georgia.com/enroll

კურსის დაწყებამდე საკონსულტაციო შეხვედრისას თქვენ დამატებით გაივლით CAE-ის საბაზისო ცოდნის შესამოწმებელ ტესტს.

ჩვენი სტუდენტები: 

შედეგები - ჩვენი სტუდენტები იღებენ ისეთ მაღალ შეფასებასაც, როგორიცაა A.