ზოგადი ინფორმაცია SSAT-ის კურსის შესახებ:

SSAT-ის ტესტი არის მსოფლიოში აღიარებული საერთაშორისო ტესტი, რომელიც ამოწმებს სკოლის მოსწავლეების მზაობას განათლების კოლეჯში ან უნივერსიტეტში გასაგრძელებლად.

ტესტს ორი დონე აქვს: პირველი დონე - 5-7 კლასების მოსწავლეებისთვის არის განკუთვნილი, ხოლო მეორე დონე  8-11 კლასების მოსწავლეების ცოდნის ხარისხს ამოწმებს.

ტესტი ამერიკის შეერთებულ შტატებში, კანადასა და კიდევ 80-მდე ქვეყანაში ბარდება. საქართველოში ტესტის არ ბარდება, თუმცა მისი ჩაბარება შეგიძლიათ ჩვენს მეზობელ ქვეყნებში: თურქეთში, სომხეთში, რუსეთსა და აზერბაიჯანში. ???

ტესტი სამი ნაწილისგან შედგება: ვერბალური, მათემატიკური და წაკითხულის გააზრება და 5 სექციას მოიცავს. მათ შორის პირველი ანალიტიკური წერაა, მეორე და მესამე - მათემატიკური სექცია, მეოთხე - ვერბალური სექცია, მეხუთე - წაკითხულის გააზრება.

პირველი სექცია აუცილებლად, უნდა პასუხობდეს მოცემულ თემას და ამოწმებს სტუდენტის მსჯელობისა და და კრიტიკულად აზროვნების უნარს. მიუხედავად იმისა რომ ანალიტიკური წერის შეფასება საბოლოო შედეგებზე არ აისახება, მისი შეფასება და თვითონ ნაწერიც, აუცილებლად, ეგზავნებათ უნივერსიტეტებს დანართის სახით.

მათემატიკური სექციებში რამდენიმე სავარაუდო პასუხიანი 25 შეკითხვაა მოცემული, რომელთა გადასაჭრელად სტუდენტს 30-30 წუთი აქვს მოცემული. ტესტის ეს ნაწილი ამოწმებს სტუდენტის ცოდნას: არითმეტიკაში, საბაზისო ალგებრასა და გეომეტრიაში.

ვერბალურ სექცია კი 60 დავალებისგან შედგება, რომელთაგან 30 სინონიმებს ეხაბა, ხოლო დარჩენილი 30 - ანტონიმებს. ამ სექციისთვის მთლიანად 30 წუთია განკუთვნილი.

ტესტის ბოლო ნაწილს - წაკითხულის გააზრებას 40 წუთი ეთმობა. ამ სექციაში სულ 6-7 ნაწყვეტია მოცემული და მთლიანობაში სტუდნეტს 40 კითხვაზე უწევს პასუხის გაცემა.

ქულები და ჩაბარების წესები:

ტესტის ქულები 5-7 კლასელებისთვის 440-დან 710-მდე მერყეობს, ხოლო 8-11 კლასელებისთვის - 500-დან 800-მდე. 

ტესტის ჩაბარება $116 დოლარი ღირს ამერიკის შეერთებულ შტატებში, ხოლო $225 დოლარი - კანადაში. დაგვიანებით რეგისტრაციის შემთხვევაში საფასურს დამატებით $30 დოლარი ემატება. ტესტის შედეგების ელექტრონულ მისამართზე გამოგზავნა დამატებით $20 დოლარი ჯდება, ხოლო FedEx-ით გაგზავნა - $35 დოლარი. 

SSAT-ის ჩაბარება შეგიძლიათ შაბათობით წელიწადში 8-ჯერ, საიტზე მითითებული თარიღების მიხედვით. 

ტესტზე დასარეგისტრირება ელექტრონული ფოსტის ან ფაქსის გამოყენებით შეგიძლიათ. 

მისი ხანგრძლივობა 2 საათი და 35 წუთია, რასაც ორი მოკლე შესვენება ემატება.

SSAT-ის ოფიციალური საიტი:

http://www.ssat.org/ssat/info/home.html

SSAT-ის სასწავლო კურსის აღწერა:

სწავლების პერიოდში თანაბრად ექცევა ყურადღება SSAT-ის სამივე ნაწილის (ვერბალურის, მათემატიკურის, წაკითხულის გააზრების) ჩვევების განვითარებას. კურსის პარალელურად გათვალისწინებულია პრაქტიკა კომპიუტერზე, რომელიც არის ჩვენი საჩუქარი და დამატებითი თანხის გადახდა არ არის საჭირო.

კურსის მსვლელობისას ხდება რეალური ტესტებისა და სავარჯიშოების თანმიმდევრული გამოყენება. ჩვენს მიერ შემუშავებული სწავლების სისტემა იძლევა იმის საშუალებას, რომ დროის მოკლე მონაკვეთში მაქსიმალური პროგრესის მიღწევა მოხდეს.ჩვენი სისტემა გულისხმობს მასწავლებლისა და ადმინისტრაციული პერსონალის ერთობლივ მუშაობას იმისთვის, რომ სტუდენტის წარმატება გარანტირებული იყოს.

კურსის დაწყებამდე მსურველებმა უნდა გაიარონ ე.წ. დიაგნოსტიკური ტესტი, რომელიც საზღვრავს თქვენი ცოდნის დონეს და საშუალებას გვაძლევს შევარჩიოთ ოპტიმალური სასწავლო პროგრამა.

ჩვენ გთავაზობთ როგორც ინდივიდუალურ, ასევე ჯგუფურ მეცადინეობებს და თქვენთვის მაქსიმალურად მოქნილ გრაფიკს. გარდა ამისა, თქვენ შეგიძლიათ გაიაროთ SSAT-ის კურსისთვის წინამოსამზადებელი პროგრამები: მათემატიკასა და ინგლისურ ენაში, შესაბამისი ცოდნისა და ჩვევების გამოსამუშავებლად.

კურსის საფასურში შედის სტუდენტების სასწავლო მასალებით უზრუნველყოფა.

კურსზე ჩაწერა და ინგლისური ენის ტესტის ონლაინ რეჟიმში შევსება ამ ბმულზე შეგიძლიათ: http://www.ptg-georgia.com/enroll

კურსის დაწყებამდე საკონსულტაციო შეხვედრისას თქვენ დამატებით გაივლით SSAT-ის საბაზისო ცოდნის შესამოწმებელ ვერბალურ და მათემატიკურ ტესტს.